et Valentinae decus urbis almae
Ordinis sacri nitor es et aevi
gloria nostri.
Cuius instructi monitis Hebraei
una cum Mauris veteri relicta
lege divinis renovantur undis
mente fideli.
Signa quae multis patuere terris
te probant amplis meritis refertum
ac viris celsis fore comparandum
temporis acti.
pellis et morbos miseratus omnes.
Saepe defunctos revocas in auras
lucis amoenas.
Inde post clarae monimenta vitae
ad poli regnum superumque coetum
laetus ascendis capiens perennes
victor honores.
Sit Patri, Nato, simul utriusque
Flamini splendor decus et potestas
cuius aeternum chorus angelorum
numen adorat.
