Si satis digne nequeant referri, annuas nobis veniam precamur: Non sumus tanti-ingenii, fatemur, optima virgo.
Quis fuit dignas modulatus umquam Virginis laudes? Quis in orbe toto feminae-invictae peritura nunquam carmina pandet?
Praedita-exemplis Catharina claris moribus praestans, sapiens abunde, temperans, fortis, pia, justa, prudens, aethera scandis.
| Quem latet virtus facinusque clarum, quo nequit dici satius per orbem? Vulnerum formam miserata Christi exprimis ipsa.
Nam brevis, maestae, miseraeque vitae, et malis cunctis penitus refertae, fortiter spernens pretiosa quaeque, sidera-adisti.
Gratias summas habeamus omnes Filio magni Genitoris almo: Spiritum Sanctum veneremur, et sit laus tamen una.
|