MIDDAY WEDNESDAY II

Antiphons:

Advent

Christmas Time

Epiphany Week

Lent

Passion Time

Easter Time

To English Psalm 119:57 חֹלְקִי יְהוָה אָמַרְתִּי לִשְׁמֹר דְּבָרֶיךָ חִלִּיתִי פָנֶיךָ בְכָל־לֵב חָנֵּנִי כְּאִמְרָתֶךָ חִשַּׁבְתִּי דַרְכֵי וָאָשִׁיבָה רַגְלַי אֶל־עֵדֹתֶיךָ חַשְׁתִּי וְלֹא הִתְמַהְמָהְתִּי לִשְׁמֹר מִצְוֹתֶיךָ חֶבְלֵי רְשָׁעִים עִוְּדֻנִי תּוֹרָתְךָ לֹא שָׁכָחְתִּי חֲצוֹת־לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ חָבֵר אָנִי לְכָל־אֲשֶׁר יְרֵאוּךָ וּלְשֹׁמְרֵי פִּקּוּדֶיךָ חַסְדְּךָ יְהוָה מָלְאָה הָאָרֶץ חֻקֶּיךָ לַמְּדֵנִי To English Psalm 55 הַאֲזִינָה אֱלֹהִים תְּפִלָּתִי וְאַל־תִּתְעַלַּם מִתְּחִנָּתִי הַקְשִׁיבָה לִּי וַעֲנֵנִי אֹרֵד בְּשִׂיחִי וְאָהִימָה מִקּוֹל אוֹיֵב מִפְּנֵי עָקַת רָשָׁע כִּי־יָמִיטוּ עָלַי אָוֶן וּבְאַף יִשְׂטְמוּנִי לִבִּי יָחִיל בְּקִרְבִּי וְאֵימוֹת מָוֶת נָפְלוּ עָלָי יִרְאָה וָרַעַד יָבֹא בִי וַתְּכַסֵּנִי פַּלָּצוּת וָאֹמַר מִי־יִתֶּן־לִּי אֵבֶר כַּיּוֹנָה אָעוּפָה וְאֶשְׁכֹּנָה הִנֵּה אַרְחִיק נְדֹד אָלִין בַּמִּדְבָּר אָחִישָׁה מִפְלָט לִי מֵרוּחַ סֹעָה מִסָּעַר בַּלַּע אֲדֹנָי פֶּלֶג לְשׁוֹנָם כִּי־רָאִיתִי חָמָס וְרִיב בָּעִיר יוֹמָם וָלַיְלָה יְסוֹבְבֻהָ עַל־חוֹמֹתֶיהָ וְאָוֶן וְעָמָל בְּקִרְבָּהּ הַוּוֹת בְּקִרְבָּהּ וְלֹא־יָמִישׁ מֵרְחֹבָהּ תֹּךְ וּמִרְמָה כִּי לֹא־אוֹיֵב יְחָרְפֵנִי וְאֶשָּׂא לֹא־מְשַׂנְאִי עָלַי הִגְדִּיל וְאֶסָּתֵר מִמֶּנּוּ וְאַתָּה אֱנוֹשׁ כְּעֶרְכִּי אַלּוּפִי וּמְיֻדָּעִי אֲשֶׁר יַחְדָּו נַמְתִּיק סוֹד בְּבֵית אֱלֹהִים נְהַלֵּךְ בְּרָגֶשׁ יְשֵּׁי מָוֶת עָלֵימוֹ יֵרְדוּ שְׁאוֹל חַיִּים כִּי־רָעוֹת בִּמְגוּרָם בְּקִרְבָּם אֲנִי אֶל־אֱלֹהִים אֶקְרָא וַיהוָה יוֹשִׁיעֵנִי עֶרֶב וָבֹקֶר וְצָהֳרַיִם אָשִׂיחָה וְאֶהֱמֶה וַיִּשְׁמַע קוֹלִי פֹּדֶה בְשַׁלֵּם נַפְשִׁי־ם קָרַב לִי כִּי־בְרַבִּים הָיוּ עִמָּדִי יִשְׁמַע אֵל וְיַעַנ־ם וְיָשִׁיב קֶדֶם אֲשֶׁר אֵין חֲלִיפוֹת לָמוֹ וְלֹא יָרְאוּ אֱלֹהִים שָׁלַח יָדָיו בִּשְׁלֹמָיו חִלֵּל בְּרִיתוֹ חָלְקוּ מֵחֶמְאֹת פִּיו וּקְרִי בְּלִבּוֹ רַכּוּ דְבָרָיו מִשֶּׁמֶן וְהֵמָּה פְתִחוֹת הַשֹׁלֵךְ עֵל־יֶהוָה יֹהֵבְךָ וְהוּא יְכַלְכְּלֶךָ לֹא־יִתֵּן לְעוֹלָם מוֹט לַצַּדִּיק וְאַתָּה אֱלֹהִים תּוֹרִדֵם לִבְאֵר שַׁחַת אַנְשֵׁי דָמִים וּמִרְמָה לֹא־יֶחֱצוּ יְמֵיהֶם וַאֲנִי אֶבְטַח־בָּךְ

Readings & Prayers for Seasons and Feasts

Advent

January before Epiphany

After Epiphany

Lent

Passion

Easter

Dedications

Mary

Apostles

M Martyrs

1 Martyr

Holy men

Holy women

ORDINARY READINGS & PRAYERS

Deuteronomy 1:16-17a וָאֲצַוֶּה אֶת־שֹׁפְטֵיכֶם בָּעֵת הַהִוא לֵאמֹר שָׁמֹעַ בֵּין־אֲחֵיכֶם וּשְׁפַטְתֶּם צֶדֶק בֵּין־אִישׁ וּבֵין־אָחִיו וּבֵין גֵּרוֹ׃ לֹא־תַכִּירוּ פָנִים בַּמִּשְׁפָּט * כַּקָּטֹן כַּגָּדֹל תִּשְׁמָעוּן לֹא תָגוּרוּ מִפְּנֵי־אִישׁ * כִּי הַמִּשְׁפָּט לֵאלֹהִים הוּא כִּי־צַדִּיק יְהוָה - צְדָקוֹת אָהֵב — יָשָׁר יֶחֱזוּ פָנֵימוֹ (11:7)	2 14 26
Isaiah 55:8-9 כִּי לֹא מַחְשְׁבוֹתַי מַחְשְׁבוֹתֵיכֶם וְלֹא דַרְכֵיכֶם דְּרָכָי נְאֻם יְהוָה׃ כִּי־גָבְהוּ שָׁמַיִם מֵאָרֶץ * כֵּן גָּבְהוּ דְרָכַי מִדַּרְכֵיכֶם * וּמַחְשְׁבֹתַי מִמַּחְשְׁבֹתֵיכֶם׃ יְהוָה אֱלֹהֵי צְבָאוֹת מִי־כָמוֹךָ — חֲסִין יָהּ וֶאֱמוּנָתְךָ סְבִיבוֹתֶיךָ (89:9)	6 18 30
1 Samuel 16:7b לֹא אֲשֶׁר יִרְאֶה הָאָדָם * כִּי הָאָדָם יִרְאֶה לַעֵינַיִם * וַיהוָה יִרְאֶה לַלֵּבָב׃ חָקְרֵנִי אֵל וְדַע לְבָבִי — וּנְחֵנִי בְּדֶרֶךְ עוֹלָם (139:23,24)	10 22 34