Joseph Kenny OP: The Psalms, 47 (Hebrew)

Psalm 47

Wednesday Morning 1

כָּל־הָעַמִּים תִּקְעוּ־כָף	הָרִיעוּ לֵ־אלֹהִים בְּקוֹל רִנָּה
כִּי־יְהוָה עֶלְיוֹן נוֹרָא	מֶלֶךְ גָּדוֹל עַל־כָּל־הָאָרֶץ

יַדְבֵּר עַמִּים תַּחְתֵּינוּ	וּלְאֻמִּים תַּחַת רַגְלֵינוּ
יִבְחַר־לָנוּ אֶת־נַחֲלָתֵנוּ	אֶת גְּאוֹן יַעֲקֹב אֲשֶׁר־אָהֵב

עָלָה אֱלֹהִים בִּתְרוּעָה

יְהֹוָה בְּקוֹל שׁוֹפָר

זַמְּרוּ אֱלֹהִים זַמֵּרוּ	זַמְּרוּ לְמַלְכֵּנוּ זַמֵּרוּ
כִּי מֶלֶךְ כָּל־הָאָרֶץ אֱלֹהִים	זַמְּרוּ מַשְׂכִּיל

מָלַךְ אֱלֹהִים עַל־גּוֹיִם	אֱלֹהִים יָשַׁב עַל־כִּסֵּא קָדְשׁוֹ	נְדִיבֵי עַמִּים נֶאֱסָפוּ
עַם אֱלֹהֵי אַבְרָהָם	כִּי לֵ־אלֹהִים מָגְנֵּי־אֶרֶץ	מְאֹד נַעֲלָה