Joseph Kenny OP: The Psalms, 6 (Hebrew)

Psalm 6

Monday Readings 1

יְהוָה אַל־בְּאַפְּךָ תוֹכִיחֵנִי

וְאַל־בַּחֲמָתְךָ תְיַסְּרֵנִי

חָנֵּנִי יְהוָה	כִּי אֻמְלַל אָנִי
רְפָאֵנִי יְהוָה	כִּי נִבְהֲלוּ עֲצָמָי

וְנַפְשִׁי נִבְהֲלָה מְאֹד	וְאַתְּ יְהוָה עַד־מָתָי
שׁוּבָה יְהוָה חַלְּצָה נַפְשִׁי	הוֹשִׁיעֵנִי לְמַעַן חַסְדֶּךָ

כִּי אֵין בַּמָּוֶת זִכְרֶךָ

בִּשְׁאוֹל מִי יוֹדֶה־לָּךְ

יָגַעְתִּי בְּאַנְחָתִי	אַשְׂחֶה בְכָל־לַיְלָה מִטָּתִי	בְּדִמְעָתִי עַרְשִׂי אַמְסֶה
עָשְׁשָׁה מִכַּעַס עֵינִי	עָתְקָה בְּכָלָ צִרְרִי

סוּרוּ מִמֶּנִּי כָּל־פֹּעֲלֵי אָוֶן	כִּי־שָׁמַע יְהוָה קוֹל בִּכְיִי
שָׁמַע יְהוָה תְּחִנָּתִי	יְהוָה תְּפִלָּתִי יִקָּח

יֵבֹשׁוּ וְיִבָּהֲלוּ מְאֹד

כָּל־אֹיְבָי

יָשֻׁבוּ יֵבֹשׁוּ רָגַע