Joseph Kenny OP: The Psalms, 2 (Hebrew)

Psalm 2

Sunday Readings 1

לָמָּה רָגְשׁוּ גוֹיִם

וּלְאֻמִּים יֶהְגּוּ־רִיק

יִתְיַצְּבוּ מַלְכֵי־אֶרֶץ	וְרוֹזְנִים נוֹסְדוּ־יָחַד
עַל־יְהוָה	וְעַל־מְשִׁיחוֹ
נְנַתְּקָה אֶת־מוֹסְרוֹתֵימוֹ	וְנַשְׁלִיכָה מִמֶּנּוּ עֲבֹתֵימוֹ

יוֹשֵׁב בַּשָּׁמַיִם יִשְׂחָק	אֲדֹנָי יִלְעַג־לָמוֹ
אָז יְדַבֵּר אֵלֵימוֹ בְאַפּוֹ	וּבַחֲרוֹנוֹ יְבַהֲלֵמוֹ

וַאֲנִי נָסֻכְתִּי מַלְכִּי	עַל־צִיּוֹן הַר־קָדְשִׁי
אֲסַפְּרָה אֵל	חֹק יְהוָה	אָמַר אֵלַי
בְּנִי אַתָּה	אֲנִי הַיּוֹם יְלִדְתִּיךָ

שְׁאַל מָמּוֹנִּי וְאֶתֶּנָּה	גוֹיִם נַחֲלָתֶךָ	וַאֲחֻזָּתְךָ אַפְסֵי־אָרֶץ
תְּרֹעֵם בְּשֵׁבֶט בַּרְזֶל	כִּכְלִי יוֹצֵר תְּנַפְּצֵם

וְעַתָּה מְלָכִים הַשְׂכִּילוּ	הִוָּסְרוּ שֹׁפְטֵי אָרֶץ
עִבְדוּ אֶת־יְהוָה בְּיִרְאָה	וְגִילוּ בִּרְעָדָה נְשֵּׁי־קָבֶר
פֶּן־יֶאֱנַף וְתֹאבְדוּ דֶרֶךְ	כִּי־יִבְעַר כִּמְעַט אַפּוֹ

אַשְׁרֵי

כָּל־חוֹסֵי בוֹ