READINGS TUESDAY 4
To English
Psalm 102
יְהוָה שִׁמְעָה תְפִלָּתִי
וְשַׁוְעָתִי אֵלֶיךָ תָבוֹא
אַל־תַּסְתֵּר פָּנֶיךָ מִמֶּנִּי
בְּיוֹם צַר לִי
הַטֵּה־אֵלַי אָזְנֶךָ
בְּיוֹם אֶקְרָא
מַהֵר עֲנֵנִי
כִּי־כָלוּ בְעָשָׁן יָמָי
וְעַצְמוֹתַי כְּמוֹ־קֵד נִחָרוּ
הוּכָּה־כָעֵשֶׂב וַיִּבַשׁ לִבִּי
כִּי־שָׁכַחְתִּי מֵאֹכֵל
לָחֵם יָמַקּוּ לְאַנְחָתִי
דָּבְקָה עַצְמִי לִבְשָׂרִי
דָּמִיתִי לִקְאַת מִדְבָּר
הָיִיתִי כְּכוֹס חֳרָבוֹת
שָׁקַדְתִּי
וָאֶהְיֶה כְּצִפּוֹר
בּוֹדֵד עַל־גָּג כָּל־הַיּוֹם
חֵרְפוּנִי אוֹיְבָי
מְהוֹלְלַי בִּי נִשְׂבָּעוּ
כִּי־אֵפֶר כַּלֶּחֶם אָכָלְתִּי
וְשִׁקֻּוַי בִּבְכִי מָסָכְתִּי
מִפְּנֵי־זַעַמְךָ וְקִצְפֶּךָ
כִּי נְשָׂאתַנִי וַתַּשְׁלִיכֵנִי
יָמַי כְּצֵל נָטוּי
וַאֲנִי כָּעֵשֶׂב אִיבָשׁ
וְאַתָּה יְהוָה
לְעוֹלָם תֵּשֵׁב
וְזִכְרְךָ לְדֹר וָדֹר
אַתָּה תָקוּם תְּרַחֵם צִיּוֹן
כִּי־עֵת לְחֶנְנָהּ
כִּי־בָא מוֹעֵד
כִּי־רָצוּ עֲבָדֶיךָ אֶת־אֲבָנֶיהָ
וְאֶת־עֲפָרָהּ יְחֹנֵנוּ
וְיִירְאוּ גוֹיִם אֶת־שֵׁם יְהוָה
וְכָל־מַלְכֵי הָאָרֶץ אֶת־כְּבוֹדֶךָ
כִּי־בָנָה יְהוָה צִיּוֹן
נִרְאָהָ בִּכְבוֹדוֹ
פָּנָה אֶל־תְּפִלַּת הָעַרְעָר
וְלֹא־בָזָה אֶת־תְּפִלָּתָם
תִּכָּתֶב זֹאת לְדוֹר אַחֲרוֹן
וְעַם נִבְרָא יְהַלֶּל־יָהּ
כִּי־הִשְׁקִיף מִמְּרוֹם קָדְשׁוֹ
יְהוָה
מִשָּׁמַיִם אֶל־אֶרֶץ הִבִּיט
לִשְׁמֹעַ אֶנְקַת אָסִיר
לְפַתֵּחַ בְּנֵי תְמוּתָה
לְסַפֵּר בְּצִיּוֹן שֵׁם יְהוָה
וּתְהִלָּתוֹ בִּירוּשָׁלָםִ
בְּהִקָּבֵץ עַמִּים יַחְדָּו
וּמַמְלָכוֹת לַעֲבֹד אוֹתוֹ
יְהוָה עִנָּה בַדֶּרֶךְ כֹּחִי
וְקִצַּר יָמֵי אֶמָר אֵלִי
אַל־תַּעֲלֵנִי בַּחֲצִי יָמָי
בְּדוּר דּוֹרִים שְׁנוֹתֶיךָ
לְפָנִים הָאָרֶץ יָסַדְתָּ
וּמַעֲשֵׂה יָדֶיךָ שָׁמָיִם
הֵמָּה יֹאבֵדוּ
וְאַתָּה תַעֲמֹד
וְכֻלָּם כַּבֶּגֶד יִבְלוּ
כַּלְּבוּשׁ תַּחֲלִיפֵם
וְיַחֲלֹפוּ
וְאַתָּה־הוּא
וּשְׁנוֹתֶיךָ לֹא יִתָּמּוּ
בְּנֵי־עֲבָדֶיךָ יִשְׁכּוֹנוּ
וְזַרְעָם לְפָנֶיךָ יִכּוֹן
הַאֲזִינָה עַמִּי תּוֹרָתִי — הַטּוּ אָזְנְכֶם לְאִמְרֵי־פִי
READINGS EVEN YEARS
4
8
12
16
20
24
28
32
Dec.
20
,
21
,
22
,
23
,
24
READINGS ODD YEARS
4
8
12
16
20
24
28
32