PRAYERS: SANCTORAL CYCLE
Trinity
Omnipotens sempiterne Deus,
qui dedisti famulis tuis in confessione verae fidei
aeternae Trinitatis gloriam agnoscere
et in potentia majestatis adorare unitatem,
quaesumus, ut ejusdem fidei firmitate,
ab omnibus semper muniamur adversis.Corpus Christi
Deus, qui nobis sub Sacramento mirabili,
passionis tuae memoriam reliquisti,
tribue, quaesumus, ita nos Corporis et Sanguinis tui sacra mysteria venerari,
ut redemptionis tuae fructum in nobis jugiter sentiamus.
Doctor
Deus, qui populo tuo aeternae salutis beatum N. ministrum tribuisti,
praesta quaesumus
ut quem doctorem vitae habuimus in terris
intercessorem habere mereamur in caelis.Other holy man
Deus, qui nos beati N. Confessoris tui annua solemnitate laetificas,
concede propitius
ut cujus natalitia colimus
etiam actiones imitemur.Virgin Martyr
Indulgentiam nobis, quaesumus Domine, beata N. Virgo et Martyr imploret,
quae tibi grata semper exstitit
et merito castitatis
et tuae professione virtutis.Virgin
Exaudi nos Deus slautaris noster,
ut sicut de beatae N. Virginis tuae festivitate gaudemus,
ita piae devotionis erudiamur affectu.Many Virgin Martyrs
Da nobis, quaesumus Domine Deus noster,
sanctarum Virginum et Martyum tuarum N. et N. palmas incessabili devotione venerari,
ut quas digna mente non possumus celebrare
humilibus saltem frequentemus obsequiis.Holy Woman
Tuorum corda fidelium Deus miserator illustra
et beatae N. precibus gloriosis
fac nos prospera mundi despicere
et caelesti semper consolatione gaudere.Raymond of Peñafort
Deus qui beatum Raymundum poenitentiae Sacramenti insignem ministrum elegisti
et per maris undas mirabiliter traduxisti
concede ut ejus intercessione
dignos poenitentiae fructus facere
et ad aeternae salutis portum pervenire valeamus.Conversion of St. Paul
Deus, qui universum mundum Pauli Apostoli praedicatione docuisti,
da nobis, quaesumus,
ut qui ejus hodie Conversionem colimus
per ejus ad te exempla gradiamur.Thomas Aquinas
Deus, qui Ecclesiam tuam beati Thomae Confessoris tui atque Doctoris
mira eruditione clarificas
et sancta operatione fecundas,
da nobis, quaesumus,
et quae docuit intellectu conspicere
et quae egit imitatione complere.Presentation of the Lord
Omnipotens sempiterne Deus, majestatem tuam supplices exoramus
ut sicut unigenitus Filius tuus
hodierna die cum nostrae carnis substantia
in templo est praesentatus,
ita nos facias purificatis tibi mentibus praesentari.Catherine de' Ricci
Domine Jesu Christe
qui beatam Catharinam Virginem tui amore succensam
passionis contemplatione clarescere voluisti
ejus intercessione concede
ut passionis mysteria devote recolentes
ejus fructum percipere mereamur.Agatha
Deus, qui inter cetera potentiae tuae miracula
etiam in sexu fragili victoriam martyrii contulisti,
concede propitius
ut qui beatae Agathae Virginis et Martyris tuae natalitia colimus
per ejus ad te exempla gradiamur.Chair of St. Peter
Deus, qui beato Petro Apostolo tuo,
collatis clavibus regni caelistis,
ligandi atque solvendi pontificium tradidisti,
concede ut intercessionis ejus auxilio
a peccatorum nostrorum nexibus liberemur.St. Joseph
Beati Patriarchae Joseph, sanctissimae Genitricis tuae sponsi,
quaesumus Domine, meritis adjuvemur,
ut quod possibilitas nostra non obtinet
ejus nobis intercessione donetur.Annunciation
Deus, qui de beatae Mariae Virginis utero,
Verbum tuum, Angelo nuntiante,
carnem suscipere voluisti,
praesta supplicibus tuis
ut qui vere eam Genitricem Dei credimus
eius apud te intercessionibus adjuvemur.Vincent Ferrer
Deus qui gentium multitudinem
mira beati Vincenti confessoris tui praedicatione
ad agnitionem tui nominis venire tribuisti
praesta quaesumus
ut quem venturum Judicem nuntiavit in terris
praemiatorem habere mereamur in caelis.Agnes of Montepulciano
Deus qui beatam Agnetem virginem tuam caelesti rore saepe perfundere
et orationis eius loca diversis enatis floribus decorare dignatus es
concede propitius ut eius precibus
perpetuo tua benedictionis rore conspersi
aeternitatis fructis percipere mereamor.Mark
Deus, qui beatum Marcum Evangelistam tuum,
evangelicae praedicationis gratia sublimasti:
tribue, quaesumus,
ejus nos semper et eruditione proficere
et oratione defendi.Catherine of Siena
Deus, qui beatae Catharinae, virginitatis et patientiae speciali privilegio decoratae,
malignantium spirituum certamina vincere
et in amore tui nominis inconcusse permanere tribuisti,
concede quaesumus,
ut ejus imitatione calcata mundi nequitia
et omnium hostium superatis insidiis
ad tuam secure gloriam transeamus.Pius VDeus qui ad conterendos Ecclesiae tuae hostes
et ad divinum cultum reparandum
beatum Pium Pontificem maximum eligere dignatus es
fac nos ipsius defendi praesidiis
et ita tuis inhaerere obsequiis
ut omnium hostium superatis insidiis
perpetua pace laetemur.Philip and James
Deus, qui nos annua Apostolorum tuorum Philippi et Jacobi solemnitate laetificas,
praesta quaesumus,
ut quorum gaudemus meritis
instruamur exemplis.Antoninus
Sancti Antonini Domine Confessoris tui atque Pontificis meritis adjuvemur
ut sicut te in illo mirabilem praedicamus
ita in nos misericordem fuisse gloriemur.Matthias
Deus, qui beatum Matthiam Apostolorum tuorum collegio sociasti,
tribue quaesumus, ut ejus interventione
tuae circa nos pietatis semper viscera sentiamus.Visitation
Omnipotens et misericors Deus, majestatem tuam suppliciter exoramus
ut sicut Unigenitum tuum per Visitationem et salutationem
Genitricis ejus puero clauso in utero revelasti,
ita meritis ejusdem Genitricis et precibus
ipsum nos facias revelata facie perpetuo contemplari.Peter Martyr
Praesta, quaesumus omnipotens Deus,
ut beati Petri Martyris tui fidem congrua devotione sectemur
qui pro ejusdem fidei dilatatione
martyrii palmam meruit obtinere.Barnabas
Quaesumus omnipotens Deus
ut beatus Barnabas Apostolus tuum pro nobis imploret auxilium
ut a nostris reatibus absoluti
a cunctis etiam periculis eruamur.Birth of John the Baptist
Deus, qui praesentem diem honorabilem nobis in beati Joannis Nativitate fecisti
da populis tuis spiritalium gratiam gaudiorum
et omnium fidelium mentes dirige in viam salutis aeternae.Peter and Paul
Deus, qui hodiernam diem
Apostolorum tuorum Petri et Pauli martyrio consecrasti,
da Ecclesiae tuae
eorum in omnibus sequi praeceptum
per quos religionis sumpsit exordium.Thomas the Apostle
Da nobis, quaesumus Domine,
beati Apostoli tui Thomae solemnitatibus gloriari,
ut ejus semper et patrociniis sublevemur
et fidem congrua devotione sectemur.John Gorcum
Deus qui beatorm martyrum tuorum Ioannis et sociorum eius
gloriosum pro fide tua certamen aeternitatis laurea decorasti
concede propitus
ut eorum meritis et imitatione certantes in terris
cum ipsis coronari mereamur in caelis.Mary Magdalene
Largire nobis, clementissime Pater
ut sicut beata Maria Magdalena Dominum nostrum Jesum Christum super omnia diligendo,
suorum obtinuit veniam peccatorum,
ita nobis apud misericordiam tuam
sempiternam impetret beatitudinem.James
Esto, Domine, plebi tuae sanctificator et custos,
ut Apostoli tui Jacobi munita praesidiis,
et conversatione tibi placeat
et secura mente deserviat.Transfiguration
Deus, qui fidei sacramenta in Unigeniti tui gloriosa Transfiguratione
Patrum testimonio roborasti
et adoptionem filiorum perfectam,
voce delapsa in nube lucida,
mirabiliter praesignasti,
concede propitius,
ut ipsius Regis gloriae nos coheredes efficias
et ejusdem gloriae tribuas esse consortes.Dominic
Deus, qui Ecclesiam tuam beati Dominici Confessoris tui, Patris nostri,
illuminare dignatus es meritis et doctrinis,
concede, ut ejus intercessione,
temporalibus non destituatur auxiliis
et spiritualibus semper proficiat incrementis.Lawrence
Da nobis, quaesumus omnipotens Deus,
vitiorum nostrorum flammas extinguere,
qui beato Laurentio tribuisti
tormentorum suorum incendia superare.Assumption
Veneranda nobis, Domine, hujus diei festivitas opem conferat salutarem
in qua sancta Dei Genitrix mortem subiit temporalem
nec tamen mortis nexibus deprimi potuit
quae Filium tuum Dominum nostrum de se genuit incarnatum.Hyacinth
Deus qui beatum Hyacinthum Confessorem tuum
in diversis nationum populis
operum sanctitate et miraculorum gloria fecisti conspicuum
da nobis
ut ejus in melius reformemur exemplis
in in adversis protegamur auxiliis.Rose
Bonorum omnium largitor omnipotens Deus
qui beatam Rosam caelestis gratiae rore praeventam
virginitatis et patientiae decore Indis florescere volutisti
da nobis famulis tuis
ut in odorem suavitatis eius currentes
Christi bonus odor effici mereamur.Bartholomew
Omnipotens sempiterne Deus
qui hujus diei venerandam sanctamque laetitiam
in beati Apostoli tui Bartholomaei festivitate tribuisti:
da Ecclesiae tuae, quaesumus
et amare quod credidit
et praedicare quod docuit.Louis
Deus, qui beatum Ludovicum Confessorem tuum
de terreno regno ad caelestis regni gloriam transtulisti,
ejus, quaesumus, meritis et intercessione
Regis regum Jesu Christi Filii tui facias nos esse consortes.Augustine
Adesto supplicationibus nostris omnipotens Deus,
et quibus fiduciam sperandae pietatis indulges,
intercedente beato Augustino Confessore tuo atque Pontifice,
consuetae misericordiae tribue benignus effectum.Beheading of John the Baptist
Sancti Joannis Baptistae Praecursoris et Martyris tui,
quaesumus Domine, veneranda festivitas
salutaris auxilii nobis praestet effectum.Birthday of Mary
Supplicationem servorum tuorum Deus miserator exaudi,
ut qui in Nativitate Dei Genitricis et Virginis congregamur,
ejus intercessionibus a te de instantibus periculis eruamur.Triumph of the Cross
Deus, qui nos hodierna die Exaltationis sanctae Crucis annua solemnitate laetificas,
praesta quaesumus
ut cujus mysterium in terra cognovimus
ejus redemptionis in caelo praemia consequamur.Lady of Sorrows
Deus, in cujus passione secundum Simeonis prophetiam
dulcissimam animam gloriosae Virginis et Matris Mariae doloris gladius pertransivit:
concede propitius ut qui dolores ejus venerando recolimus,
passionis tuae effectum felicem consequamur.Matthew
Beati Apostoli et Evangelistae Matthaei, Domine, precibus adjuvemur,
ut quod possibilitas nostra non obtinet
ejus nobis intercessione donetur.Michael, Gabriel and Raphael
Deus, qui miro ordine Angelorum ministeria hominumque dispensas,
concede propitius
ut a quibus tibi ministrantibus in caelo semper assistitur
ab his in terra vita nostra muniatur.Francis
Deus qui Ecclesiam tuam beati Patris nostri Francisci meritis
fetu novae prolis amplificas
tribue nobis ex ejus imitatione terrena despicere
et caelestium donorum semper participatione gaudere.Luis Bertrand
Deus qui beatum Ludovicum confessorem tuum
per corporis mortificationem et fidei praeconium sanctorum gloriae coaequasti
praesta ut quod fide profitemur
pietatis operibus iugiter impleamus.Luke
Interveniat pro nobis, quaesumus Domine, sanctus Lucas Evangelista
qui crucis mortificationem jugiter in suo corpore
pro tui nominis amore portavit.Simon and Jude
Deus, qui nos per beatos Apostolos tuos Simonem et Judam
ad agnitionem tui nominis venire tribuisti,
da nobis eorum gloriam sempiternam
et proficiendo celebrare
et celebrando proficere.All Saints
Omnipotens sempiterne Deus,
qui nos omnium Sanctorum tuorum merita sub una tribuisti celebritate venerari,
quaesumus, ut desideratam nobis tuae propitiationis abundantiam
multiplicatis intercessoribus largiaris.The Faithful Departed
Fidelium, Deus, omnium conditor et redemptor,
animabus famulorum famularumque tuarum remissionem cunctorum tribue peccatorum,
ut indulgentiam quam semper optaverunt
piis supplicationibus consequantur.Martin de Porres
Loving God,
you led Saint Martin de Porres to the glory of heaven by the path of humility.
May we follow his splendid example
and so be raised on high with him.
We ask this through our Lord Jesus Christ, your Son,
who lives and reigns with you and the Holy Spirit, one God, for ever and ever.Martin of Tours
Deus, qui conspicis quia ex nulla nostra virtute subsistimus,
concede propitius
ut intecessione beati Martini Confessoris tui atque Pontificis
contra omnia adversa muniamur.Albert the Great
Deus qui beatum Albertum Pontificem tuum atque Doctorem
in humana sapientia divinae fidei subjicienda magnum effecisti:
da nobis, quaesumus
ita ejus magisterii inhaerere vestigiis;
ut luce perfecta fruamur in caelis.Cecilia
Deus, qui nos annua beatae Caeciliae Virginis et Martyris tuae solemnitate laetificas,
da, ut quam veneramur officio
etiam piae conversationis sequamur exemplo.Clement I
Deus, qui nos annua beati Clementis Martyris tui atque Pontificis solemnitate laetificas,
concede propitius
ut cujus natalitia colimus
virtutem quoque passionis imitemur.Nicholas
Deus, qui beatum Nicolaum Pontificem innumeris decorasti miraculis,
tribue quaesumus
ut ejus meritis et precibus
a gehennae incendiis liberemur.Immaculate Conception
Deus, qui per immaculatam Virginis Conceptionem
dignum Filio tuo habitaculum praeparasti,
quaesumus ut qui ex morte ejusdem Filii tui praevisa
eam ab omni labe praeservasti,
nos quoque mundos ejus intercessione ad te pervenire concedas.